哈碌愛貓樹

2014年7月26日 (日) (晴)

新貓樹黎左屋企一星期

我都好鍾意佢喇!

你睇! 呢個貓頭真係啱啱好架!

中層又夠寛敞

不過有個缺點就係有個大菇窿喺度...搞到我個PAT PAT差d跌左落去...

上層都俾我BIG爆喇!

我仲發現媽媽將我d玩具收埋晒喺呢個窿裏面

我咁醒又點會唔知丫!

一手就攞到落黎啦!

有新貓樹

舊果棵貓樹用左一年多就俾哈碌玩到溶溶爛爛, 仲左搖右擺添...

搵左好耐, 終於俾我物色到啱心水既新貓樹喇!

哈碌鍾意跳上跳落, 又鍾意瞓喺貓樹高高在上

所以最重要既條件係要有一塊大層板, 可以俾佢瞓得穩陣又舒服

反而太多花巧就唔太啱佢添

哈碌: 咦~! 又有新野喎! 等我巡視下先!

哈碌: 都幾寛敞啊!

哈碌: 高貴既淺灰色襯晒我! (個飛機耳貓頭簡直係為我度身訂造添)

夠晒位瞓, 以後點碌都唔會碌出界喇!

坐喺度睇電視既高度都啱啱好添~

貓奴今次又Pass喇!

討食記

有一日...

哈碌: 媽媽, 又影我做乜呀?

媽媽: 好耐冇同你影相嘛... 再唔寫下blog蒲頭, D貓友就唔記得你架喇!

哈碌: 哼! 等我扭轉面先...你影我唔到...你影我唔到...

哈碌: 依咦?! 爸爸食梗芝士條喎!! (雙眼發光)

哈碌: 媽媽, 我又想食呀!! (你睇下我既誠懇既眼神+雙手做埋請請)

好香啊! 目光依然離唔開芝士條

哈碌: 媽媽, 俾我食啦~ 一條咁多丫!!

媽媽: 唔可以呀!

哈碌: 乜你咁孤寒架... (扁咀ing...)

哈碌: 呀...呀...呀... 我唔制呀!!! 我要食芝士條.... (扭計仔...左扭右扭...賴地大叫乜都出齊)

哈碌知道扭計唔得呈, 就咁出第二招...扮可憐

哈碌: 我真係好想食啊...睇到流晒口水喇...(眼泛淚光)

媽媽最後屈服: 好啦...食一條咁多啦!

哈碌奸計得呈: Yeah!! 呀~~~ (張大個口等食)

洗白白 + 我永遠的寶貝

2014年5月18日 (日)

開始踏入夏天

哈碌D毛甩到通屋都係, 有時又R條頸

係時候要同佢洗白白喇!

同上年一樣, 沖涼時一樣變左隻樹熊

攬住我屎都唔肯企上櫈仔上

於是我就唯有抱住佢一齊沖...鴛鴦戲水 (好彩抱住佢之後都冇爭扎)

但只係沖到背脊...另一面只可以用毛巾抺身

沖完之後既濕水貓樣

早前"三貓blog blog齋"搞左個召募活動

題目分別係"唔怕生壞命, 最怕改壞名"同埋"開了大號真快樂"

於是我send左哈碌兩張相去參加...

仲有專登搵返我以前兩隻愛貓"得得和意意"既相, 佢地識得stand up同請請架! 係咪好得意呢?

得得話: 如果想開大既時候, 我會選擇直接跳上馬桶解決, 既環保, 又快捷!

可惜最後我D寶貝貓相都冇入圍, 但係佢地喺我心目中, 永遠都係最可愛, 最得意, 係我最愛既寶貝黎架!

唔夠位瞓

2014年4月27日

呢張係由細瞓到大既床仔...都幾好瞓...

伸一伸懶腰...轉個身先!

我轉...

咦...出左界唔夠瞓添...

但我鍾意咁樣趴喺度瞓喎...

繼續維持呢個姿勢