2015年11月7日 星期六

嚇破膽

呢幾個星期真係俾哈碌嚇破膽呀!

話說10月18日,一個晴朗既早上,因為太陽太曬,於是我落左窗簾,而平時綁住窗簾拉繩既尼龍絲帶就放左喺窗台…好快就俾哈碌發現左條絲帶,佢敏捷地跳上窗台,擔走左條絲帶黎咬,好在我及時發現,攞走條絲帶…但條絲帶已經沾滿口水喇…於是我就攞左條絲帶入廁所洗,洗完放左喺洗手盆旁邊…呢個時候哈碌爸就入廁所沖涼,我諗住等佢沖完涼先收返好條絲帶啦~

點知…說時遲那時快,條絲帶唔見左喇…其實九成九都係俾哈碌食左架喇,但又乜都做唔到,唯有等佢自然排出啦!

但過左幾日,哈碌都冇乜異樣,直至星期三見佢嘔過一次,星期日又嘔一次,都發現唔到條絲帶,而且仲變得冇乜胃口,連佢最愛既零食餅餅都唔食…於是我地就帶佢睇醫生啦~照左x-ray, 冇異物發現喎…吓? 唔係佢食左? 冇奶油架喎…但醫生話發現佢個肺有白色陰影,懷疑係肺炎…吓? 肺炎? 醫生話嘔完有機會“濁”到都會引致肺炎喎…其實我都半信半疑,但果刻只好相信醫生…見到哈碌呼吸得好急,返到屋企仲伸埋脷,真係好擔心…

結果,就要食足一星期抗生素

第一次用呢種餵藥器…有d難度


基本上呢個禮拜哈碌,每日都要餵佢食烚雞同醫生開既腸胃肉醬罐頭,因為少爺仔唔餵就唔肯食,有時食得多d,有時食得少…但已經比平時既食量少左好多,便便亦由每日一次,變成兩日一次…

直至噚日11月6日,放工返黎終於見到佢嘔返條絲帶出喇! 我仲要了開d嘔吐物confirm下係咪真係成條絲帶完整嘔返出黎先安心

哈碌嘔完,似乎真係舒服返晒,胃口都返番黎,肯自己食雞同食餅喇! 真係一天都光晒!

今次要哈碌仔仔受苦真係好心痛,亦都好大教訓,所以我喺呢度提醒自己同各位貓奴,要小心收好所有絲帶,繩子,條狀物體先得喇!

希望哈碌快d食返多d野,肥肥白白,健健康康啦!

2015年8月7日 星期五

meow事呀喵!

2015年7月31日 (五)


想聽哈碌真貓發聲, 要開大聲D個speaker喇!

2015年3月23日 星期一

哈碌3歲大晒!

2015年3月20日 (五) (晴)

我家主銀已經三歲喇!

雖然三歲已經大個仔, 但喺我心目中哈碌主銀一樣係咁BB咁可愛既~

主銀生日, 做貓奴既梗係要準備D佢最愛既食物俾主銀啦!

佢近期最愛西蘭花雞雞...食得津津有味碟碟照鏡架!


主銀話貓奴照顧有加
特意獎賞生日蛋糕俾貓奴食!
多謝主銀!


哈碌: 今日我做主角!


似唔似幼稚園生日會呀?




哈碌主銀, 祝你貓體健康! 貓奴願意為你R痕, 按摩, 練習打架, 陪瞓陪食陪玩喵~

2015年2月21日 星期六

哈碌賀年照 2015

2015年2月20日 (五) (晴)

恭喜發財!!!

祝大家身體健康! 萬事勝意!

財源廣進! 羊年行好運!



喺呢張可愛既賀年照背後, 其實...

想走...



屎面... (你影夠未呀?)



太霸氣



影到眼瞓...



冇理由新年祝人懶洋洋架?



張張都眼矇矇...好眼瞓



唔鍾意帶煲呔呀!



可唔可以影得moody D呀? 唔望鏡頭可以嗎?



今次係隻羊就跌...唔關我事架!



呢張光線唔得...


哈碌: 你估想影我咁易架? hehehe...

2014年10月31日 星期五

哈佬喂!

2014年10月31日 (五) (晴)

一年一度哈佬喂!
我今年唔再係哈仔喇! 真係變左哈佬喇喂!


反眼怪獸 ~ 有冇俾我嚇親先?


2014年7月28日 星期一

哈碌愛貓樹

2014年7月26日 (日) (晴)

新貓樹黎左屋企一星期

我都好鍾意佢喇!

你睇! 呢個貓頭真係啱啱好架!



中層又夠寛敞


不過有個缺點就係有個大菇窿喺度...搞到我個PAT PAT差d跌左落去...


上層都俾我BIG爆喇!


我仲發現媽媽將我d玩具收埋晒喺呢個窿裏面


我咁醒又點會唔知丫!


一手就攞到落黎啦!



2014年7月21日 星期一

有新貓樹

舊果棵貓樹用左一年多就俾哈碌玩到溶溶爛爛, 仲左搖右擺添...

搵左好耐, 終於俾我物色到啱心水既新貓樹喇!

哈碌鍾意跳上跳落, 又鍾意瞓喺貓樹高高在上

所以最重要既條件係要有一塊大層板, 可以俾佢瞓得穩陣又舒服

反而太多花巧就唔太啱佢添

哈碌: 咦~! 又有新野喎! 等我巡視下先!


哈碌: 都幾寛敞啊!


哈碌: 高貴既淺灰色襯晒我! (個飛機耳貓頭簡直係為我度身訂造添)


夠晒位瞓, 以後點碌都唔會碌出界喇!


坐喺度睇電視既高度都啱啱好添~


貓奴今次又Pass喇!