哈碌已經一歲多, 大個仔喇, 佢舊既貓抓台已經唔係好夠佢訓, 而且磨爪柱既麻繩都抓晒出黎, 係時候要買過新既俾佢, 好大盒呀!
我地連飯都未食就急不及待拆禮物喇!
我地連飯都未食就急不及待拆禮物喇!
哈碌又要點貨中...
跟住佢幅圖砌, 都唔太難既
哈碌又八八卦卦搞搞震! 呢個係咪叫無掩貓籠呢?
哈碌王子, 請簽收!
大功告成! 個廳多左件傢俬, 即刻變得細左, 但哈碌豬鍾意就冇所謂啦! 間店仲送左兩個藤波波, 哈碌好鍾意玩呀!!
百厭貓罪證!!! 哈碌~ 貓樹唔係咁玩架!!! >.<
好大的新玩具呀!
回覆刪除哈碌! 媽媽爸爸幾錫你，好幸福呀!
[版主回覆04/17/2013 12:27:44]又唔捨得張餐枱啊... 同埋如果轉左, 連D櫈都要唔要呢~
[包豆媽媽回覆04/17/2013 12:12:36]咁你考慮下，將張枱縮小或轉摺枱，咁得唔得?
其實我都有果大貓架無放出來!
[版主回覆04/17/2013 11:30:43]真係幾大件, 可能放喺你屋企啱D...
如果我家的貓唔使1個月就抓爛晒了
回覆刪除[版主回覆04/18/2013 09:47:01]夢夢媽, 你都買返個貓抓台俾夢夢啦!
[busueyip回覆04/17/2013 22:24:23]照計數，呢種材質都好襟下... 好過抓梳化...同埋喇叭
[貓痴 店小二回覆04/17/2013 16:03:54]咁又係，我家的貓鐘意抓門框，我在吉之島買塊木板比佢地，之後便沒有抓門框了
[版主回覆04/17/2013 11:54:38]佢抓呢個好過抓梳化丫!
好羨慕哈碌丫
回覆刪除妳真廿四孝媽媽
[版主回覆04/19/2013 11:45:46]Thank you!
[Oli回覆04/18/2013 21:48:37]我覺得間屋太多野，仲想掉緊D野tim ar
妳可以係我fb，搵一個Rhea Tong、Meow Catcat或小老三
Rhea Tong唔係義工，不過佢幫緊大埔貓場的義工
Mewo CatCat同小老三係元朗D貓場做義工
妳可以msg問下佢地要唔要的
[版主回覆04/18/2013 09:52:45]契B媽, 我仲想問呢, 如果舊果個貓抓台唔知送俾貓義工會唔會要呢? 你之前將D物品捐去邊架?
[版主回覆04/18/2013 09:48:47]我屋企何嘗唔係冇位呢~ 你地仲有好多空間啦!! 放喺notebook枱果邊, 唔會好阻掟~ 最多唔好買咁大個囉
[Oli回覆04/17/2013 20:57:03]屋企冇位擺呢，而且都唔平喎
[版主回覆04/17/2013 14:28:43]你都買返個俾契B啦! 不過我覺得呢個款就幾靚, 但手工就一般, 同埋始終係用芭蕉葉, 好似冇藤咁好囉...
嘩~好靚ar~媽媽真好
回覆刪除[版主回覆04/17/2013 16:17:33]哈碌開心~我都開心!
嘩...終於落實呢款啊...好似好大個噃...放响邊樹呢?
回覆刪除個舊的點算呢?
我冇地方擺咁大座....參見哈碌女婿先....
[版主回覆04/22/2013 17:30:13]真係純情小貓都可以突然變Tiger呀! 你隻貓好勁喎...好彩我有幫哈碌剪指甲, 唔係好尖咋, 如果唔係佢抓落黎實有血光之災呢~
[busueyip回覆04/22/2013 12:21:56]哈....哈碌大振「雄」風啊~~~~~
其實見下佢發惡，都幾有趣
證明佢係獅子花豹的同族
記得我以前隻家貓，非常惡，一野抓穿了我同學的波鞋個膠面......搞到我幾唔好意思...
但係，佢發完惡又無野...搞多幾次，佢應該會放棄同你對打
[版主回覆04/22/2013 11:42:57]我覺得係地盤意識囉...覺得我用布抺(可能留低D味, 或抺走佢本身D味), 所以覺得我搶佢地盤囉... 真係俾佢嚇親呀, 我老公就叫我下次困佢入房先好抺呀... 好彩食完零食就馴返, 冇繼續鬧我咋... 之後佢都伏左喺貓樹一陣先肯走呢~
[busueyip回覆04/22/2013 10:33:14]嘩...哈碌咁惡啊....佢真係好鐘意棵樹噃......
係咪「地盤意識」呢，但係咁奇呢... 一向佢都好純噃，你老公走埋去抹的話，佢會唔會FEE佢呢? 阿夢怕我老公...但老公從來未對佢發過惡呢.....哈碌會唔會蝦你呢
佢的反應同上次我幫阿夢沖涼一樣，又係目露凶光，好惡咁用手打我，又FEE，又老牛聲咆哮...不過，佢係因為我地夾手夾腳「禁」實佢，好驚
[版主回覆04/22/2013 10:00:53]好的, 唔駛客氣
哈碌好鍾意新呢座貓樹呀, 成日跳到最高個頂上面坐, 噚日仲發生左件駭人事件, 話說噚日朝日我用布抺下新貓樹, 點知哈碌跳左上黎, 隻手攬住棵樹, 我就用手摸下佢隻手啦, 點知佢即刻好惡咁發出咆哮聲, 又fee我, 我即刻走開, 佢又追住我, 目露凶光, 變左老牛聲咁叫, 仲一手抓落我隻腳度, 之後我老公諗住用波引開佢又冇反應, 最後俾零食佢先變返正常, 我以為我摸佢手仔突然唔鍾意, 見佢變返正常, 我又再去抺貓樹, 點知佢一見我抺, 又再發惡, 嚇屎我....可能佢以為我霸佢地盤, 好彩俾零食佢就即刻馴返咋... 從未見過D貓咁惡, 好似想殺左我咁呢~
[busueyip回覆04/20/2013 00:14:07]哈碌媽，先謝謝您先，問了老公，因為路途太遙遠，我地冇車（上次佢特登借車送我去你屋企喔），我拿唔到重物，唔好意思叫佢咁遠手拿回太古....所以，我地唔要了。。
哈碌係咪好鐘意呢座新玩具呢?
[busueyip回覆04/18/2013 11:10:42]我好鐘意呢，不過屋企看來冇地方放... 等我問下老公先
無論如何，先多謝您
[版主回覆04/18/2013 10:44:35]如果你唔嫌棄係二手的話, 你考慮下要唔要啦, 我送左俾你丫, 唔好嘥左佢嘛!
[busueyip回覆04/18/2013 10:10:47]捐出去實有人要噃....咁新淨呢....
可惜我屋企已經無地方放，否則可以二手同你買左佢
[版主回覆04/18/2013 09:51:06]放左喺舊既貓抓台果個位, 係闊左少少, 但佢向高發展, 其實都OK既... 舊果個暫時都仲放喺廳, 等佢完全習慣新傢俬, 先處理佢啦, 唔知捐出去有冇人要呢...
係邊買嫁 ?? 我又想買反個呀
回覆刪除不過唔知小b玩唔玩呢
[版主回覆04/18/2013 09:57:09]我喺淘寶買架! (香港淨係喺yahoo拍賣見過, 果間都係出自淘寶既) 老實講, 佢用芭蕉葉整既籃冇我想像中做得咁好, 同埋哈碌好鍾意抓芭蕉葉既部份啊! 但清潔方面可能呢個會好過毛毛面果D囉...
我好想買又買唔起嘅蕉樹呀！
回覆刪除有冇5呎高？連運費幾銀呀？好想要啊！
[版主回覆04/19/2013 11:54:17]吉媽, 你屋企已經有好多貓樹, 貓床喇喎~~
有呀, 高160cm, 闊100cm, 連運費係1134.01人民幣, 送去住宅再加多50蚊港紙送埋上樓, 咁大座黎計都唔算好貴呢~ 我唔捨得買CatS貓傢俬呀!
不過呢~蕉葉冇我想像中靚, 因為始終係天然野, 有D會有黑色點點 (賣家都有講明的, 有D抺得甩, 有D抺唔甩), 但呢個款係我最鍾意架喇, 如果係藤或仿藤就仲好喇!
呢款正呀, 之前都有考慮過的呢
回覆刪除[版主回覆04/19/2013 15:22:13]我都鍾意CatS傢俬, 不過好貴唔捨得, 同埋仲大過我衣櫃, 冇位放呢~
一貓獨霸一大樹, 我家三貓共享一樹仔
回覆刪除[版主回覆04/20/2013 13:10:43]佢而家成日瘋狂地跳上跳落，三貓一齊玩實拆左棵樹都似，哈哈
好正呀
回覆刪除[版主回覆04/23/2013 12:31:52]哈碌就正囉...
我養狗, 隻狗成日跳上梳化我已經好煩
回覆刪除你的貓可以跳到天花板咁高, 我真係想像唔到有幾煩!
佢會唔會打爛晒啲野?
[版主回覆04/23/2013 12:31:32]有時都會架...就係買左呢個新貓樹之後, 佢就可以駁腳跳上鞋櫃面, 打爛左我個蠋台喇...嗚嗚...而家唯有用blu-tack黐住D野囉...
開心到個仔快起
回覆刪除[版主回覆04/23/2013 16:12:26]跳到咁高佢都唔驚...
嘩~~好開心啊!! 哈碌真幸福, 有咁靚靚的貓樹玩
回覆刪除[版主回覆04/30/2013 12:04:19]佢最鍾意就跳到上最頂, 見到佢都牙煙呀!
哇.......好大件新玩具呀......,,真係開心 哈碌BB
回覆刪除[版主回覆04/30/2013 14:18:25]佢既玩具已經佈滿全屋喇~