青春期既少年有時會出現情緒問題, 會顯得悶悶不樂, 食慾不振, 又想出街識貓仔貓女... 見到鍾意既對象不自覺地偷望對方... 我地稱之為暗戀
~以下內容有成人情節, 敬請家長留意~
噚日剛剛十個月大既哈碌, 我相信佢都一樣踏入青春期喇...
佢比平時食少左野, 有時瞓喺度眼光光, 好似好多心事咁... 初時我都仲只係估估下...直至....
噚晚既凌晨兩點四十七分, 哈碌無端端咬我手背, 我以為佢想同我玩啦, 點知佢越咬越肉緊, 雙手攬住我手腕, 對腳企喺我前臂上踩踩踩, pat pat又un un un... 我當堂紮醒左... 甩都甩唔開佢... 我收埋隻右手喺被裏面, 佢就搵我左手... 因為佢都咬到我幾痛, 我原本打算犠牲哈碌爸隻手俾佢, 點知哈碌冇反應, 跟住我諗住俾個公仔佢發洩, 哈碌都一樣只係鍾意我對手... 嗚嗚嗚...
跟住我唯有用張被由膊頭冚到去腳指尾啦... 哈碌發現搵唔到我對手, 佢就好失望咁走左出廳...
過左一陣, 我又擔心hurt到哈碌豬... 於是就出廳抱返佢入房訓, 今次佢就乖乖咁好快喺我旁邊訓著左喇...
我之前一直都諗住等佢足一歲後先帶佢絶育, 而家咁樣, 駛唔駛提早做呢個決定呢? 唔知佢遲D會唔會變本加厲, 週圍尿尿呢? 通常發情會持續幾多日架呢? 搞到我今日都羅羅孿添~
哈碌含情脈脈個樣真係得人鐘意
回覆刪除妳想唔想哈碌留後呀？如果唔想就快D做啦，聽姑娘講，到佢周圍屙尿時，就算絕咗育之後都會有慣性周圍屙㗎，而且發咗情後D尿＂壓＂好多㗎。契B遲咗做，D尿尿好大陣未呢
[版主回覆01/23/2013 12:54:31]唔知係咪男人對呢樣野特別敏感呢? 哈哈!
係呀, 生日前要做公公lu
[Oli回覆01/23/2013 12:00:57]契B當初要做時，我老公都唔捨得㗎
其實哈碌9/3先做都差唔多一歳啦
[版主回覆01/22/2013 12:11:42]係呀... 雖然我老公唔係咁捨得...hehe
[Oli回覆01/22/2013 11:59:51]決定左啦
[版主回覆01/22/2013 10:45:20]而家book到9/3先有位做呀!
[Oli回覆01/21/2013 18:25:16]上面打錯左tim
我想話“....但屙的次數比平時多，而且又細篤...."
[Oli回覆01/21/2013 17:27:35]如果妳一心想絕育，不如快D做啦...男仔好快康復咋
[版主回覆01/21/2013 17:18:55]哈碌都係一樣喎, 好多野講, 但唔係怪叫, 又成日去廁所, 不過又冇乜胃口食野喎... 係咪唔應該再拖呢? 真係煩喇...
[Oli回覆01/21/2013 16:11:08]佢又冇咁樣喎，契B發情時成日叫又講嘢，佢有度好就係唔會周圍屙，只係屙係尿兜，但屙的次數比平時多，而且又女火田篤，初時擔心佢腎有時，但姑娘話發情都有咁情況，依家絕咗育後就回復正常
[版主回覆01/21/2013 14:09:42]下~ 咁契B有冇試過咁樣發情呀?
聽人講發情周圍尿的尿好好臭的呢
回覆刪除[版主回覆01/22/2013 10:35:19]touch wood哈碌都冇週圍痾...只係成日去廁所囉
佢有呢啲情況就唔好再等，要帶佢去絶育，我家Charco仔當年都係咁
回覆刪除[版主回覆01/22/2013 11:10:20]陰公豬哈碌就快要做公公喇!
原來係咁樣架 ??
回覆刪除我家QQ 半歲時絕左育 , 但到而家就黎4歲
有時都無啦啦 雙手攬住我手腕, 對腳企喺我前臂上踩踩踩 架.....
但..........佢係會出爪架..........對手會 [花曬] -_-"
咁樣係咪都係發情呀 ???
[版主回覆01/22/2013 14:44:00]咁哈碌又冇出爪, 但有咬我囉... 不過又唔會整損果種... 咁又真係唔知喎, 我以前養過一隻仔都唔會咁既, 不過以前果D閹左後間中都會喵喵叫春...
佢張相個樣好鬼得意呀
回覆刪除乜book絕育都book到3月呀, 咁哈碌咪要忍多成個月
[版主回覆01/22/2013 16:02:06]影完呢張相, 仲話佢情竇初開, 識玩暗戀, 點知...原來佢真係大個仔, 發姣喇...哈哈!
係呀, 因為我想就返星期六, 咁星期日可以陪下佢嘛...
佢好鐘意妳.....對手呀~
回覆刪除[版主回覆01/22/2013 16:44:08]可能我成日抱佢卦...
HAHAHA~佢個樣好Lum~~
回覆刪除[版主回覆01/23/2013 11:44:03]含情脈脈咁呀~
哦! 哈碌發情啦 ! 大個仔啦!
回覆刪除咁你快D同佢BK絕育，其實都係怕 哈碌周圍尿尿!
你隻手手真慘，咬住好痛架!
[版主回覆01/23/2013 12:53:15]係啦~ 希望佢唔好周圍尿尿啦(診所話通常有兩隻以上既貓要霸地盤所以先會周圍尿)
[包豆媽媽回覆01/23/2013 12:27:52]排到9/3 好耐喎!
但有左周圍尿尿的行為，絕育後都可能會做。你要留意下!
[版主回覆01/23/2013 11:43:37]係呀! 真係大個仔喇~ 已經book左絶育了, 但排期排到9/3呢~ 噚晚又俾佢咬醒左... 又熱又冇得伸隻手出被面訓...
我都係最擔心係周圍尿尿咋, 如果唔係可以遲D先呢~
好似早d絶育好d 喎.....
回覆刪除[版主回覆01/23/2013 20:42:23]不過睇開果間診所排期排到9/3先有呢~ 希望乖仔忍多陣啦!
我的仔女6個月靚就...........
回覆刪除[版主回覆01/23/2013 21:44:25]好早熟啊!!
哈碌仔呢個樣好Sweet呀~~你個仔淨係對你隻手有興趣)
回覆刪除[MI小米小米MI回覆01/28/2013 11:38:13]哎呀心疼心疼....呀仔加油呀....
[版主回覆01/26/2013 09:29:05]而家晚晚半夜都會俾佢整醒... 好似成日都籮籮孿咁...陰公豬
攪左佢，人貓都放心D啊
回覆刪除[busueyip回覆02/07/2013 01:20:20]絕左應該唔會了，有都係少少...我見阿夢而家都冇發情時咁嗲我....
[版主回覆02/01/2013 16:23:45]係呀... 唔知佢第時仲會唔會有呢D行為呢~
呵呵貓仔係咁樣發情噃....
回覆刪除媽媽隻手果然係好過公仔
[busueyip回覆02/07/2013 17:27:03]哦，咁嫁，咁都好，方便
三個禮拜嘩好長喎...........
有冇貓友想要下一代呢? 呵呵配了種，就可以有哈碌的下一代......妄想中
[版主回覆02/07/2013 16:31:56]醫生話女仔發情就唔好做手術住, 但男仔就冇所謂喎... 佢發左差唔多三個禮拜喇....
[busueyip回覆02/07/2013 16:20:56]照計發情唔會一直發，發一至兩周會停，你3月9日去睇醫生，希望佢之前停左，然後暫時唔再發住，發緊做手術唔方便
[版主回覆02/07/2013 16:10:01]俾佢對毛毛手抱住都幾舒服架, 不過佢肉緊時咬人就好痛囉... 同埋如果佢坐低個身, 感覺會好肉酸呢~
[busueyip回覆02/07/2013 15:36:16]有咩感覺呢...佢個肚仔好暖噃...
要享受下啊...以後唔會再發生呢D事呢
[版主回覆02/07/2013 14:48:29]而家哈碌如果見唔到我, 佢連爸爸隻手都唔放過架!!
我貓貓第一次發情期，貓女都好煩，成貓叫。有人陪牠佢安靜點點。
回覆刪除[版主回覆03/01/2013 12:15:22]貓仔都好多野講, 但又唔係怪聲咁叫, 但就會成日捉住我隻手黎un囉...