8/3/2013 係哈碌升呢做公公既前一晚... 有EE話想再睇下哈碌既雄風喎!
哈碌: 你想睇咩呀? 乜你咁鹹濕架~ 遮住先...
哈碌: 你想睇咩呀? 乜你咁鹹濕架~ 遮住先...
哈碌: 仲望? 未見過咩叫男子漢呀?
哈碌: 望一眼好喇!! 係咪好man呢?
哈碌: 好喇! 夠鐘~ 今晚十點後就冇水水冇野食喇... 嗚嗚嗚...
9/3/2013 朝早十點去到診所, 下晝四點半就可以返屋企喇!
升呢做公公成功!
麻醉藥未過... 矇矇地唔想見人, 要匿埋喺窗簾後面睇街街
八點可以飲水, 即刻勁飲...渴左好耐囉... 陰公豬... 之後都食左少少野...但依然有少少呆呆地... 我見佢只係lam大脾同尾尾, 冇lam傷口, 所以都冇幫佢帶燈罩, 免得佢唔開心啦!
休息下訓覺豬最好....
臨訓前, 哈碌好似平時咁搵我隻手手黎玩啊!! 仲以為佢閹唔淨? 哈哈... 原來醫生話佢體內既賀爾蒙要幾個月先會冇晒呢~
點知到左深夜凌晨四點幾, 突然聽到哈碌咳左幾聲, 好似有痰咁想咳出黎... 仲發出好大聲咕咕聲 (類似平時開心既聲, 但大聲好多, 同埋知道唔係因為開心而發出), ... 喵都喵唔出聲... 搞到我成晚都訓得唔安落...
到左第二朝, 依然間中發出好大聲咕咕聲, 但喵得出聲, 只係有D沙聲, 又唔係好肯飲水食野... 於是立即打去診所, 下晝再帶佢睇醫生喇... 醫生話佢上呼吸道感染, 所以引致喉嚨痛唔想食野, 又喉沙... 夜晚食左藥已經好返D, 肯食野飲水, 冇左D咕咕聲, 叫聲都冇咁沙喇... 希望哈碌豬快D好番啦!!
哈碌好man ar
回覆刪除哈碌一定好快D好番的，到時黎探佢丫，哈哈
[Oli回覆03/11/2013 09:57:31]好番好多咁就好啦
[版主回覆03/11/2013 09:48:06]好呀! 其實噚日都冇再咳, 又肯食返野同飲水, 已經好返好多喇! 有朋友就話做手術時醫生要拉出少少佢條脷仔唞氣, 所以容易感染喎, 加上之前一日咁耐冇飲水, 個喉嚨實乾啦...
[Oli回覆03/10/2013 22:23:26]點解會上呼吸道感染既?
哈碌豬....你....果到好正呀
回覆刪除哈碌:變態架你牛媽.....
唔好咁啦牛媽好耐無見過喇~~牛牛地做左公公好耐嚕.....
[MI小米小米MI回覆03/11/2013 14:24:24]我完全明白
[版主回覆03/11/2013 14:12:27]我都有D唔捨得哈碌做公公啊...
真係唔知佢哋會有咩感覺..會唔會好傷心呢?!
回覆刪除[版主回覆03/11/2013 14:13:04]希望唔會啦... D話貓貓好善忘, 好快會唔記得喎...
我個時都有諗過佢會唔會唔開心架.....但真係為喵地好 .....
回覆刪除[版主回覆03/12/2013 20:19:04]係囉... 雖然我都有少少想抱孫, 但呢D野冇得勉強既...
噢...點解會感染?? 唔通在診所惹到....
回覆刪除呵呵恭喜呢，我經常記掛住，但就係呢兩日記得左哈碌九號要絕育...
成功了，咁安樂晒
[busueyip回覆03/13/2013 17:09:08]錫番錫番......
[版主回覆03/13/2013 10:31:43]我都唔知點解呀... 朋友話貓貓做手術時醫生會將佢條脷拉出少少呼吸, 可能因為咁易感染啦...加上之前一晚斷水斷糧, 差唔多成22個鐘冇水飲, 喉都乾晒啦~
又會絶育搞到上呼吸道感染o既
回覆刪除[版主回覆03/13/2013 10:32:24]係啦, 都唔知咩事, 不過佢而家已經冇痰冇咳, 食得又訓得喇!
哈碌好似唔開心咁
回覆刪除哈碌乖，好快好返架啦
[版主回覆03/13/2013 11:15:59]係呀, 做完手術返黎有D呆呆地... 悶悶不樂咁... 不過而家又回復正常, 應該冇乜野喇!
嘻嘻！兩粒蛋蛋幾大吓
回覆刪除[版主回覆03/14/2013 10:30:31]成個壽包仔咁架!!
我貓貓妹3月12日做完，牠很攰。你貓貓好叻唔使用罩。叻仔。
回覆刪除[版主回覆03/15/2013 14:45:59]睇見都心痛, 一係多D陪下佢啦, 有人既時候就唔好帶住罩囉...希望佢快D康復啦~
[朱媽媽回覆03/15/2013 14:32:40]回家要帶罩牠很不開心，不肯食不肯飲水。見人就唔唔聲，成日訓，。
[版主回覆03/15/2013 10:29:02]女仔係會攰D呢, 同埋又有縫線, 要小心D好, 我之後見到佢lam lam, 想同佢帶罩佢又唔肯飲水, 寧願捱渴, 睇見都心痛, 所以咪冇帶囉...
獅虎說"恭喜恭喜, 歡迎加入公公行列"
回覆刪除[版主回覆03/19/2013 12:30:18]哈碌說: 禾都係被迫做公公呢~
好耐冇上黎睇下大家d blog原來哈碌做左公公啦，佢咁陰公做完手術果晚就病左呀，而家冇事啦嘛
回覆刪除[版主回覆03/21/2013 09:47:30]係呀, 同燒賣一樣做左公公喇... 而家已經好返晒, 但瘦左一個圈, 陰公豬, 不過胃口好過以前既...