之前媽媽喺獅虎媽個blog見到張貓餐枱好別緻, 可惜喺香港冇得賣的... 於是佢就去最偉大既淘寶淘一淘... 真係俾佢搵到喎! 媽媽叻叻!
一拆開盒, 我梗係要驗下貨先啦...
一拆開盒, 我梗係要驗下貨先啦...
搞掂! 又真係幾靚靚喎...
開餐喇... 終於唔駛烏到個頭咁低...頸都梗埋...
**********************************************************************************************
不過影完呢張相之後, 哈碌食左一半就走貓... 佢好少食剩野架嘛...唔通又唔習慣有餐枱? 今朝又係食到一半 (已經將個兜兜放返落地), 但都要我用手慢慢餵佢先肯食, 不過我趕住出門口, 希望佢自己乖乖食埋佢啦...
哎呀，好心急tim
回覆刪除平時哈碌會食晒先走開㗎？
[版主回覆12/06/2012 14:46:31]平時佢都係食一半就走開, 但最終都會成碟食晒, 但噚晚果碟就食唔晒囉... (唔知係咪俾多左條雞, 飽得滯呢)
張枱又真係幾靚bor!! 做咩事哈碌又食淨野, 咪嚇媽媽拉
回覆刪除[版主回覆12/06/2012 14:48:09]係呀, 有淘寶真係好呀~
希望哈碌豬有食埋D野啦... 天氣咁凍唔食多D野唔得架嘛... (緊張媽媽)
好靚既枱仔，之前我都响淘寶買咗個木制既，
回覆刪除點知大帝們唔like,點都唔肯俾面
[版主回覆12/07/2012 10:54:41]哈碌仔噚晚都肯俾面去食野, 不過又係食一半, 我諗住氹佢食就用手餵佢, 餵餵下都食埋果半兜喇... 我估佢會慢慢接受卦...
張枱好靚呀！哈碌good boy俾下面媽媽用下啦！米哂媽咪一番心計去淘寶俾你
回覆刪除[版主回覆12/07/2012 10:55:30]佢今朝都肯食多左喇... 希望佢慢慢會接受啦...
可能未慣, 遲下可能會好似cfu咁, 企係檯上面通知你佢要食野
回覆刪除[包豆媽媽回覆12/07/2012 11:54:09]同豆豆一樣，鍾意用"喵波功"，喵到你手滕腳震 媽咪快D..... 快D.....
[版主回覆12/07/2012 11:40:45]哈碌鍾意用"喵波功", 不停喵喵喵, 喵到你餵佢食飯為止架...
好幸福
回覆刪除[版主回覆12/08/2012 16:43:59]
回覆刪除[版主回覆12/08/2012 16:42:17]
張枱仔好正啊, 我都係用紙盒墊高d 兜兜咋.....
回覆刪除不過墊高佢點都對佢哋腰骨好d~~
[版主回覆12/10/2012 15:05:15]well~ 不過有時哈碌都係鍾意咬左舊食物落地先慢慢食...真係激死... 你都淘返張啦...
我見到旺角有得賣呀,二百幾蚊,tao pao寄到hk幾多錢呢??
回覆刪除[版主回覆12/12/2012 10:40:35]連運費HK$160 (好彩都平過香港買啫)
呵呵好靚噃張枱...
回覆刪除不過我試過放高個兜，見佢食得唔慣，又放番落地....
[版主回覆12/15/2012 10:19:23]好彩佢而家開始習慣左喇...
我之前都想淘喱件呀！
回覆刪除不過好似矮得滯同個頭仔要伸好入先食倒…
驚佢地辛苦啊！
你不如試下一兜放地一兜墊高小小同埋身小小等哈碌仔慢慢習慣啦!
好得意呀
回覆刪除[版主回覆01/06/2013 22:30:43]