但到我地自己入貨, 發覺貓砂冇之前咁吸味兼貓砂本身都有陣怪怪地既味... 於是決定轉貓砂
早幾日轉左Okara日本通心豆腐砂, 味道似花生醬, 又好吸味... 但問題就黎喇~
哈碌喺轉左貓砂後第二日, 佢痾左軟便便, 仲要隻腳踩中左...
去vee vee又會留左D喺pat pat度...
但呢兩日飲食都正常, 又冇轉糧... 究竟關唔關轉貓砂事呢?? 定係未適應新貓砂呢?
星期六有朋友黎屋企玩, 佢都唔太怕人, 間中有出黎玩, 但噚日痾完軟便便之後, 就匿埋左... (平時唔會架) 係咪佢嚇親呢?
定係知自己痾左軟便便唔開心呢? 不過用個波波引佢, 佢又即刻出返黎追波喎...
有冇人用過呢隻貓砂呀?
擔心ing~
貓貓的cc會係軟軟地 or 係patpat狀? 屋企附近會唔會有裝修之類嚇親?
回覆刪除[版主回覆11/08/2012 14:07:31]係啦, 原本今朝諗住叫老公試下淨烚雞俾佢食, 點知佢又加左罐頭落去, 激死我!!
[abebe回覆11/08/2012 11:50:49]下~~~
如果食埋杜虫藥都再係咁的話, 可能要去睇醫生了
[版主回覆11/08/2012 11:46:41]唉...仲未好呀...好似仲爛左D添, 今日去買杜蟲藥試下先
[abebe回覆11/08/2012 11:34:16]有無好d?
[版主回覆11/05/2012 22:58:17]都係一條條, 不過軟軟地, 好容易就黐住D貓砂囉... 之前係乾身D, 冇咁易黐到貓砂架...
屋企附近又冇裝修喎... 嚇親會痾軟便便架?
除左轉沙外，有冇轉過糧呀?
回覆刪除touch wood，我換過兩、三次沙都ok
[版主回覆11/06/2012 14:57:18]契B細哈碌少少, 可能好快都會有一樣既行為喇~
[Oli回覆11/06/2012 12:24:07]我個隻好早已想出街，但係呢排才望窗，原來就係青春期開始
[版主回覆11/06/2012 11:04:29]我上網睇左D資料, 原來貓公真係喺七八個月左右就開始發情, 會成日想出街... 唔怪得最近每次我開門, 佢都好想走出街, 又成日望窗啦... 唉...我連阿仔踏入青春期都唔知添....
[版主回覆11/06/2012 10:27:22]我都唔知通常係幾大個先發情呀... 不過好彩佢又冇週圍痾 (touch wood)
我平時已經閂埋廚房門唔俾佢入, 但因為貓廁放喺廁所, 無可避免囉...
[Oli回覆11/06/2012 08:24:43]咁快發情啦
我隻仔成日偷偷入廚房、廁所舔到D生水，我都驚佢生蟲
[版主回覆11/05/2012 23:04:53]我有加多左D 新既Applaws kitten餅餅, 但好少, 同埋之前食過都冇乜野...
我頭先問左breeder, 佢話可能哈碌開始大個仔, 發情期向後射尿, 所以射濕左D毛毛... 睇黎如果唔幫佢搵老婆, 就要提早幫佢做大太監喇...
至於軟便便, 可能唔小心舔到D生水, 睇下幫佢杜蟲會唔會好D囉
睇多兩日先啦！平時如果V V冇痴pat pat咁可能真係砂喎！未痾淨就想走
回覆刪除天然味可能好D。。。唔通哈碌以為係食物味食左小小試味？
[版主回覆11/07/2012 09:56:05]我地專登攞D貓砂黎做實驗, 又見佢D吸水力OK架喎... 果隻我話似"花生醬"味既, 其實都係天然味黎架, 濕左水就變返豆腐味咁囉...
而家反而擔心佢D便便, 我問過人話只要係一條條, 少少軟都係正常, 但今朝佢都黐左少少喺D毛度... 都唔知點添~
唔水擔心...小事啫...
回覆刪除軟便哩家野我都有些少經驗....
試過精神緊張....有軟便...一排
試過食左d唔係食物(試味唔小心吞左)...有微爛便..2日
試過因為感冒... 有爛便好多日....
試過蒸鮮雞柳過哈碌冇...禾次次都係一有軟便就蒸2日雞柳過仔地食....即刻靚番...
[版主回覆11/07/2012 12:24:42]多謝你呀!!
我其實每餐都有烚雞柳撈半罐罐頭俾佢食架...但淨係雞柳就冇試, 唔知佢肯唔肯食呢...返去試下先... 同埋近排佢食多左餅餅, 唔知係咪因為食得多左, 食滯左, 所以今日都冇加餅餅喇...
哎呀!係呀...有茅比哈B食杜蟲葯呀...?
回覆刪除以下哩款好好...仔仔食左冇哂爛便...要醫生建議份量好D....
http://blog.yahoo.com/mygutbauchu/articles/712625/category/%E7%9A%87%E9%AD%AF%E8%B2%93%E9%A3%B2%E9%A3%9F
[版主回覆11/07/2012 12:27:08]最初佢返屋企前兩個月大左右就食過一次... 跟住就冇食喇... 我噚日搵個breeder, 佢話只係軟便就唔駛食,爛便先要食囉... 所以我諗都係要再觀察下先啦, Thank you!!
哈碌媽媽︰你可去買乳酸菌粉粉加小小在糧俾佢，看看會唔會好D!
回覆刪除我家包豆有時都會有軟便，有時佢地都會腸胃唔好。
醫生有提意可俾小小原味乳酪同益力多都OK，但有覺得凍野來唔咁俾。
便便冇哂爛同水質，就唔需要太擔心!
小小意見，希望幫到你!
[版主回覆11/08/2012 14:09:04]喺邊度可以買乳酸菌粉粉呀? 可唔可以影張相黎睇睇呢? thanks~ 而家為左佢篤K真係煩惱呀!!
包豆每餐食緊的粉粉
回覆刪除名稱:Absolute Immune Health - Feline (Micffy Limited pet products supply) 每盒有30包(獨立包裝)
你可上網看看
[版主回覆11/09/2012 10:31:02]等我睇下先~ Thank you!!
哈碌好D未呀？
回覆刪除[版主回覆11/12/2012 23:00:55]又未至於一pat pat, 都係一條條, 不過軟D, 表面似有D黏性囉... 最近又冇轉糧, 都唔知點解咁, 但而家都暫停冇俾罐罐佢食, 淨係烚雞雞, 睇下有冇好D囉...
[Oli回覆11/12/2012 20:39:01]D poo poo係一pat pat定好軟呀？
會唔會係糧的問題？
[版主回覆11/12/2012 10:25:58]VV方面, 我溝左"三人雙孔粟米豆腐砂" 又好D喎, 冇整濕pat pat喇~ 但D便便噚日有好轉, 今朝又好似軟返...觀察埋聽日如果唔好就要睇醫生了...
我都試過用Okara日本通心豆腐砂,感覺麻麻哋,不如你用返之前用開貓砂先,睇吓情況點先.....maybe Okara濕咗尿尿又痴住pat pat,咁哈碌舔pat pat食埋貓砂都唔定,
回覆刪除同埋可能一次過換哂貓砂,哈碌仔唔慣令佢精神緊張,通常換唔同牌子貓砂,我會溝埋舊砂等波波習慣咗新砂先........仲有最好連新糧都停埋佢,一切歸於原始,睇吓情況點.......
我都試過唔同類形貓砂,覺得WV爽豆貓腐最好用,不過好貴,而家就用緊7十1豆脔砂都幾o.k.
[版主回覆11/12/2012 10:24:19]多謝提議呀!! 而家我溝左"三人雙孔粟米豆腐砂" 又好D喎, 冇整濕pat pat喇~ 但D便便噚日有好轉, 今朝又好似軟返...觀察埋聽日如果唔好就要睇醫生了...
[波波豬回覆11/09/2012 21:25:29]係W爽快先啱
佢今日好d未呀? 其實幫貓地轉任何野都唔可以一次性, 一定要少少, 少少咁換架, 你試下換番d舊砂睇下情況有無改善啦。
回覆刪除[版主回覆11/13/2012 16:41:18]今日暫時未痾住, 而前日D便便就好返D, 但噚日又係軟軟的, 至於vee vee, 可能真係貓砂問題, 我地撈左第二隻貓砂, 又冇整濕D毛喇...舊果D已經用晒lu...多謝關心哈碌!!
哈碌豬D便便而家Ok嗎？
回覆刪除[版主回覆11/14/2012 10:40:27]已經好返好多喇! 多謝關心!
好多時見到blog上咁樣既問題，我的答案永遠都只有一個。食貓草！
回覆刪除你見佢既毛，又濃又密，日日食唔少入肚，
成肚都係毛，CC一定唔靚，肥Corn嘅毛底都好厚，佢又鐘意清潔自己，
三日唔食草，個便便就唔靚，我屋企長期種幾罐貓草，當正常餐咁餵㗎
[版主回覆12/01/2012 10:08:54]D小麥草係朋友送的, 我估係人食卦, 不過朋友都係種黎俾貓貓食架...
夢夢食野會唔會咬碎慢慢食架? 我見哈碌食貓餅唔會食到"咯咯"聲, 覺得佢好似冇咬過咁, 俾條小麥草佢咬, 咬左好耐, 但條草都冇牙印既...
[busueyip回覆11/30/2012 21:24:48]剪短少少好趙D...肯食都好，小麥草比較苦呢
我唯有買含小麥草的貓餅仔俾阿夢食，下次再種過先
你的小麥草係咪人食那D? 等我又去買來試下
[版主回覆11/30/2012 10:17:26]我種既係小麥草, 剛剛呢幾日有幾條長出黎, 我噚日俾左一條哈碌試, 好似好難先0趙到咁, 不過佢都肯食
[busueyip回覆11/29/2012 23:11:08]不過要試，唔係隻隻貓都鐘恴食草，草都有幾種.....不妨試多D味
[扁臉貓回覆11/17/2012 12:23:01]
[版主回覆11/17/2012 11:59:54]我會開始種貓草架喇~ 謝謝你肥corn媽!
我之前幫牛牛轉砂時佢,佢又係有軟便,都唔知係轉砂令佢咁,後黎個breeder教我比金銀花佢地食,效果好好,我都有試過屋企種貓草,但好多蚊之仔係呢,我係用cat trust豆腐砂+fussie cat rose味的,咁樣mix d豆腐砂好似come用同結得幾好......
回覆刪除[版主回覆11/30/2012 10:25:21]我估真係貓砂問題令佢整濕 pat pat, Okara呢隻豆腐砂太軟, 哈碌坐得低就好易黏到貓砂同整濕, 但溝左雙孔粟米豆腐砂就好好多喇
[busueyip回覆11/29/2012 23:08:42]豆腐砂係會結後變軟，然後乾左變硬，如果哈碌鐘意坐貓砂，咁你轉那隻粟米豆腐砂會好D，我用過兩隻豆乳豆腐砂（有一層豆乳在砂面）都OK的...
不過，因為我個砂盤有個白色面板，阿夢半個身踩住塊板，只有屁屁同後腳掂到貓砂...而且我又加大粒木砂，唔會有砂痴屁屁，好好用呢...
如果等貓尿停留二十分鐘後才畢，就會更容易，等砂稍乾...好畢D
[版主回覆11/26/2012 14:29:42]thanks! 唔駛溝沙架
[MI小米小米MI回覆11/26/2012 12:44:45]我無煮熟只係落熱水溝濕糧就OK喇~~E咁你用呢隻砂洗唔洗溝沙架??
[版主回覆11/25/2012 22:49:14]就咁乾既金銀花呀? 駛唔駛煮架?
我而家轉左日本三人雙孔粟米豆腐砂, 呢隻結得好D, 又冇咁易帶出砂盤, 之前用Okara單孔, 哈碌尿尿完個pat pat會濕或黐到D豆腐砂, 唔好用呢
照計應該唔係生理問題，可能有少少心理問題
回覆刪除你試下，混舊砂 + 新砂喔...
我阿夢一開始用另一隻牌子的豆腐砂，然後我又溝左木砂，後來又轉植物砂，又轉過紫標，又轉番豆腐砂+木砂，都未見過佢因此軟件喎..
[版主回覆11/30/2012 10:26:08]多謝你! 而家哈碌冇軟便喇, 可能之前轉左貓砂真係令佢緊張唔習慣啦~