哈碌已經5個月零8日喇!
體重: 2.8kg (比上一個月重左0.7kg)
今日要打第三支針針... 嗚嗚嗚...好驚驚...唔想出街呀!
終於返到屋企等開飯...
哈碌: 媽媽, 好肚餓呀!! 你唔係要我隻毛毛手自己開罐罐呀嘛??
*******************************************************************************************************************************************************************************************************
多謝各位貓友們既飲食分享, 最近我早晚用雞雞撈餅餅過佢食... 但佢次次聞兩聞, 食兩啖就走貓, 每次都要氹佢食, 噚日仲衰到要我用手逐啖餵先肯食...佢自己就攤喺地成個大爺咁款...真係當正我喺貓奴!! (想唔認都唔得!) 不過總算佢都肯食... 希望阿仔你乖d, 食多d野啦!
要餵咁大牌，打
回覆刪除[版主回覆08/29/2012 15:49:32]竉佢兩次咁多啦~! 佢呢d港貓係咁架喇... 哈哈!
[MI小米小米MI回覆08/29/2012 15:34:16]佢係恰媽媽,不過真係唔好寵慣,唔係就大單
[版主回覆08/29/2012 12:14:12]下次試下俾罐罐可能佢會開心d!
[阿七回覆08/29/2012 11:37:40]逐樣糧試下啦，撞下實中既。我隻子彈都唔知累我益左幾多野比街貓呀
你試下唔好溝餅餅, 連蒸雞既汁汁一齊食佢睇下會唔會好d。
回覆刪除[版主回覆08/29/2012 14:20:45]我俾innova evo既乾乾佢食呀! 真係好難捉摸佢既性格呀... 有時鍾意就食兩啖乾乾, 如果唔放喺度又怕佢冇得食喎...但佢又唔會食清晒..
係啦~ 所以今朝都堅決唔用手餵, 淨係引佢黎自己食囉... 我臨出門口前佢食左一半, 希望佢肯自己食晒佢啦!
[泰媽回覆08/29/2012 13:53:45]你比邊隻乾乾哈碌食呀? 你試下唔好放長糧,有時乾乾放得耐, 有濕氣濕咗, 唔夠脆佢地都唔like架。
我e+係早上比乾乾, 會放多少少, 等响我返咗工既時候未至於乾塘無野食。通常放工返到屋企會清晒。開罐/蒸雞我會隔晚做, 如果唔開罐既返去會加乾，如果嗰晚食咗濕糧既, 會等到臨瞓前再加乾乾。你試下咁樣得唔得。
貓係恃寵生驕架, 你餵慣佢第時唔願自己食就頭痕喇
[版主回覆08/29/2012 12:24:20]之前我就係淨俾早晚各一條雞雞連雞汁, 餅餅就做長糧, 佢好鍾意食雞雞架! 碟碟清添~ 但餅餅就間中先食, 食得唔多囉... 所以驚佢淨食雞雞唔夠營養, 想食食多d餅餅, 咪要咁撈囉, 撈左之後, 佢都肯食d餅架, 但唔係十分雀躍咁自己食, 而係要人睇住佢, 過一陣又要抱佢去再食過咁囉... (佢又唔會淨係揀d雞雞出黎食喎!)
哈碌第二張好得意
回覆刪除契B本來已打第三針，可惜傷風，依家要9月先打得
咁我契B下個月5號先至5個月，佢依家已3.X kg，咪過重
[Oli回覆09/06/2012 04:36:09]謝謝提醒，我要少買D魚罐頭啦
[版主回覆09/05/2012 10:15:59]原來如此... 謝謝你!! 咁第時揀罐罐都要留意下先!
[kim回覆09/04/2012 19:00:42]有關貓食吞拿魚問題,我記得我睇過蘇菁菁的著作,大致如下,你可以參考下 :
“吞拿魚鮮味極強,貓咪容易食上癮,引至偏食,建議只在特別情況下(如生病,沒胃口,生日)小量給予
吞拿魚屬大型魚類,容易積聚重金屬,加上大部分罐頭採用吞拿魚的紅肉部分,水銀含量比吞拿魚的白肉部分更高
經常給貓咪食人類的油浸吞拿魚,因罐罐有菜油+吞拿魚本身含大量多元不飽和脂肪酸,體內的維他命e會被搶奪,當身體嚴重缺乏維他命e時, 皮下脂肪便會容易發炎(即黃脂病),引發神經末端變得異常敏感,即使輕輕碰觸,貓咪都會感到十分疼痛
[Oli回覆08/31/2012 15:35:15]契B基本上乜都食，不過肉醬個D罐罐就麻麻地，我買過innova的罐罐係肉醬，佢就一般，但我平時俾innova乾乾，佢好like呢
[版主回覆08/31/2012 14:54:06]我噚晚買左almo nature, applaws同innova, 三隻都係買幼貓糧, 我開左innova撈貓餅俾佢, 似乎佢又好鍾意喎... 我諗隻衰豬都係鍾意食罐罐多d架喇...
彈媽, 點解食太多吞拿魚會唔好呀? 驚有重金屬呀?
[阿七回覆08/31/2012 14:40:47]我都比almo nature，最愛吞拿魚，又驚佢地食得太多吞拿魚唔好，你比咩味契b食多
[版主回覆08/30/2012 15:04:04]我諗係一dd貓, 我以前養果d, 無論俾乾乾定濕濕佢地食, 每次都一次過食清晒架...
[Oli回覆08/30/2012 15:00:15]係咪貓仔會心散D呢?
[版主回覆08/30/2012 14:55:34]我諗哈碌都係心散仔, 成日食食下就走左去, 所以同佢玩一陣之後, 又要抱返佢去再食過
[Oli回覆08/30/2012 11:51:21]係㗎，不過佢好心散，一次係食唔晒一罐。初時我俾晒一罐佢，佢食食下唔食，之後隔咗一個鐘又食埋剩底個D。所以依家學精咗，先俾一半，隔一陣再俾埋另一半，咁樣會衛生D
[阿七回覆08/30/2012 10:25:40]oli，早晚一罐，清碟嗎？都食好多下 wor
[Oli回覆08/30/2012 10:04:27]乾乾就一時時多啦，因會佢鐘意食罐罐多D
[版主回覆08/30/2012 10:01:40]我都諗住買呢幾隻牌子俾佢試呀... 咁你俾乾乾長糧, 佢食得多唔多呀?
[Oli回覆08/29/2012 21:08:22]早晚各一罐，我會俾佢食Almo Nature、Applaws或者Kakato
原來絕育後好易肥架?
我個醫生都幾好架，有問有答，或者你唔知既野，佢都會主動同你講
[版主回覆08/29/2012 17:24:58]哦... 唔該晒呀! 你個醫生都講得幾清楚喎! 你知啦...每次睇醫生既時間真係快過打針, 問唔到咁多野架嘛! 我要哈碌仔都唱"肥住過冬~~"先!
[阿七回覆08/29/2012 16:03:43]我剛問過醫生，佢話未絕育前可以任食，盡比佢食都無問題，絕育後就限制一下唔係就好易過重。乾濕糧既比例可以 50:50 。
[版主回覆08/29/2012 14:50:30]一罐定半罐呀? 食咩牌子架? 我諗我都真係要俾佢食罐罐好d... 烚雞當小吃啦....
[Oli回覆08/29/2012 14:34:46]早晚罐罐、乾乾放長糧
[版主回覆08/29/2012 14:17:10]哈碌都係因為上個月傷風, 所以delay左d針針日期呀... 我覺得係哈碌偏輕囉 (但醫生就話正常) 所以想操fat佢呀! 哈哈
咁你平時餵佢食咩多呀?
哈碌你真係好cute cute呀
回覆刪除[版主回覆08/30/2012 15:02:13]咁你睇唔睇得出架? 係d牙大隻d定係甩左隻牙之後, 見到佢有新牙仔出呢?
[Oli回覆08/30/2012 14:59:13]我今日帶契B覆診，醫生都話佢換緊牙啦
哈碌大契B兩個禮拜，哈碌應該都換緊
[版主回覆08/30/2012 14:53:55]我上上次問醫生時, 醫生話有可能佢自己吞左隻牙, 所以換左都唔知架! 我淨係見哈碌前面d牙仔明顯大隻左, 但後面果d唔知出齊同換晒恒齒未囉~
[MI小米小米MI回覆08/30/2012 12:20:17]係呢我都忘記問醫生呀！因為我好似唔見佢有甩過牙仔咁既？就算見唔到佢甩都應該見到佢無左隻牙仔架，但都無見過？佢快八個月了！
[版主回覆08/30/2012 10:39:52]原來仲要等多幾個月... 咁佢五個月係咪應該換晒牙呢? 前日打針都唔記得問醫生添~
[阿七回覆08/30/2012 10:24:29]8、9個月就開始咖喇
[版主回覆08/29/2012 17:21:31]彈爸, 咁d貓幾時先開始爆頭架?
[MI小米小米MI回覆08/29/2012 16:06:19]yes yes
[阿七回覆08/29/2012 16:04:47]彈爸都話你哈碌第日爆埋頭會好好好靚仔的
[版主回覆08/29/2012 15:47:44]哈碌: 小米EE, 媽媽成日都係咁講架...話我百厭都唔捨得鬧鬧喎...
打晒針針就安樂啦~佢肯食罐罐都OK呀有d罐罐有雞肉+魚,都好有營養
回覆刪除(佢體重都唔錯,等絕育後會更快肥)
[版主回覆08/29/2012 17:20:52]我仲未試過俾罐罐佢食架! (枱面果罐係買貓砂送的, 仲未開... 哈哈!) 初初唔知幾個月大既貓食唔食得成貓罐罐嘛... 所以就自己烚雞雞囉...而家諗住俾佢試下先囉...
打完針係攰小小啦！平時胃口唔好呀？
回覆刪除[版主回覆08/30/2012 09:56:48]之前淨係餵雞雞時, 佢好好胃口, 餐餐一次過食到照鏡架... 唔知係咪因為佢唔係好識食貓餅, 見佢淨係用條利lam, 有時食一粒又跌返半粒出黎, 所以食得好慢囉... 噚晚&今朝餵左罐罐俾佢食, 見佢其實都幾鍾意, 但又係要分幾次先食得晒...我諗都要慢慢黎先得...
我家天師仔一樣要人餵至肯食雞肉(其實係俾我縱壞咗)
回覆刪除[版主回覆08/30/2012 09:53:29]我發覺佢係唔係好識食貓餅, 成日都漏口既... 食一粒又跌返半粒出黎, 所以可能食食下冇心機食... 用手餵就冇咁易跌出黎囉...不過都唔可以寵壞佢...
會唔會蒸得太熟? Simba Tigger試過太熟or 我地買得多了, 有部份先雪過再蒸, 都唔太食
回覆刪除[版主回覆08/30/2012 11:36:30]真係要慢慢試下先知佢口味呢~
[abebe回覆08/30/2012 10:56:03]http://www.pronature.hk/holistic/cat-products.html
[abebe回覆08/30/2012 10:55:27]佢地食Pronature, 佢地初時食雞味, 食完一包就食三文魚, 之後再食雞味的又嘛嘛地; 不過佢2兄弟好得意, Simba食罐罐or蒸雞蒸魚就好快口,食完自己果份再去食細佬果D, 但係食餅餅就好"之陰"仲要分開幾回才食完一餐的份量; Tigger就係食餅餅好快口, 快到食完自己的仲要食哥哥果d
[版主回覆08/30/2012 10:45:10]其實之前我買左innova evo雞味, 佢都食左大半包, 跟住再買佢冇貨, 所以買左三文魚味, (兩隻味佢都食過試用裝) 唔知係咪因為食開雞雞, 佢好似唔係好鍾意咬貓餅咁
[版主回覆08/30/2012 10:42:12]咁Simba Tigger食咩牌子架?
[abebe回覆08/30/2012 10:36:47]食完呢包, 試下轉叻一牌子? 可能哈碌唔太鍾意呢隻味都未定
[版主回覆08/30/2012 10:24:05]係呀, 之前淨餵雞雞, 餅餅長糧, 但佢食餅餅唔多, 所以試下咁樣等佢食多d餅囉, 而家撈埋左, 佢又肯食埋d餅喎...
[abebe回覆08/30/2012 10:14:41]佢係唔鍾意食餅餅, 所以先想用呢個方法等佢食餅餅?
[版主回覆08/30/2012 10:04:30]其實淨雞雞佢好鍾意架, 不過一加左餅餅落去佢就要分幾次先食得晒囉...
E~~~你貓貓的體重同我夢夢差唔多噃...
回覆刪除我夢夢六個半月，由五個多月開始食野少左，體重增長慢左...
鷄肉你不如試下鷄脾...唔好去骨，蒸完先去骨（會滑D），蒸好過烚，烚完冇晒香味，唔使咁耐，貓其實可以食生野嘛，如果滑D，味香D，佢或者喜歡食...
不過我夢夢都係，你餵佢，佢食多D，唔餵，食少D.....
呵呵佢食唔食魚呢? 其他肉之類...
[版主回覆09/04/2012 17:31:13]真係好睇每隻貓既習慣呢~ 哈碌好似唔係好識食餅咁, 成日食一粒跌返半粒出黎 (漏口), 不過而家撈左罐罐有d黏性就容易食d, 我初初都有試過加少少水呀, 又係初初肯食, 第二次又麻麻地...
[busueyip回覆09/04/2012 17:11:47]我有俾罐，有自己整...
自己整鷄湯、蒸鷄肉，今日試左攪鷄肉粉，都係為了令佢食多D....
罐頭俾了好多牌子佢試，但佢偏食...只食鷄，又好睇心情...
如果貓餅你哈碌食唔慣，初頭試下加好少好少水，浸軟俾佢試..
小強之家貓友的沙DEE，呵呵佢貓貓每日食的糧係一大碗肉湯...
真係隻隻貓唔同胃口、唔同食法，至緊要佢肯食...貓奴都冇法...鬼叫佢而家發緊育...唉...
[版主回覆09/04/2012 17:00:43]我未試過整魚俾佢食呀... 不過而家就買左幾個牌子既罐頭撈餅餅俾佢試, 又間住自己煮雞囉... 似乎佢最鍾意食applaws, 其次係innova肉醬... 你全部都係自己煮架? 會唔會餵罐頭或餅餅呀?